yaqin hi ab yaqinon mein nahin hai

yaqīñ hī ab yaqīnoñ meñ nahīñ hai

koī sajda jabīnoñ meñ nahīñ hai

jo lamha faisle kā DhūñDhtā huuñ

dinoñ haftoñ mahīnoñ meñ nahīñ hai

junūñ meñ paañv hī aa.eñ to aa.eñ

taharruk koī zīnoñ meñ nahīñ hai

nazar hai hosh hai dil bhī hai lekin

koī bhī rabt tīnoñ meñ nahīñ hai

jise afsos bhī ho aur ḳhushī bhī

vahī ghar ke makīnoñ meñ nahīñ hai

hamāre lams kī kārīgarī thī

nazākat ābgīnoñ meñ nahīñ hai

hayā-parvar adā.eñ qātilāna

vafā lekin hasīnoñ meñ nahīñ hai

agar 'balrāj' ḳhushbū ban ke jaa.eñ

koī sarhad zamīnoñ meñ nahīñ hai

yaqin hi ab yaqinon mein nahin hai

koi sajda jabinon mein nahin hai

jo lamha faisle ka DhunDhta hun

dinon hafton mahinon mein nahin hai

junun mein panw hi aaen to aaen

taharruk koi zinon mein nahin hai

nazar hai hosh hai dil bhi hai lekin

koi bhi rabt tinon mein nahin hai

jise afsos bhi ho aur KHushi bhi

wahi ghar ke makinon mein nahin hai

hamare lams ki karigari thi

nazakat aabginon mein nahin hai

haya-parwar adaen qatilana

wafa lekin hasinon mein nahin hai

agar 'balraj' KHushbu ban ke jaen

koi sarhad zaminon mein nahin hai