yaqin mano ye mere honT yun nile nahin hote

yaqīñ maano ye mere hoñT yuuñ niile nahīñ hote

agar ye log sāñpoñ se bhī zahrīle nahīñ hote

agar har baat par maiñ in kī haañ meñ haañ milā detā

mire yāroñ ke lahje itne nokīle nahīñ hote

koī to baat aisī hai jise ham se chhupāte ho

ye palkoñ ke kināre be-sabab giile nahīñ hote

agar maiñ haq-parastī chhoḌ kar bātil se mil jaatā

mire rastoñ meñ phuul hote ye pathrīle nahīñ hote

sitāroñ par kamandeñ Dālne kā kyā koī soche

yahāñ to beTiyoñ ke haath hī piile nahīñ hote

maiñ ik pal meñ banātā huuñ anāoñ ke pahāḌ 'az.har'

par agle pal ye saare ret ke Tiile nahīñ hote

yaqin mano ye mere honT yun nile nahin hote

agar ye log sanpon se bhi zahrile nahin hote

agar har baat par main in ki han mein han mila deta

mere yaron ke lahje itne nokile nahin hote

koi to baat aisi hai jise hum se chhupate ho

ye palkon ke kinare be-sabab gile nahin hote

agar main haq-parasti chhoD kar baatil se mil jata

mere raston mein phul hote ye pathrile nahin hote

sitaron par kamanden Dalne ka kya koi soche

yahan to beTiyon ke hath hi pile nahin hote

main ek pal mein banata hun anaon ke pahaD 'azhar'

par agle pal ye sare ret ke Tile nahin hote