yaqinan rang laegi dua aahista aahista

yaqīnan rang lā.egī duā āhista āhista

karegā bevafā bhī ab vafā āhista āhista

gunāhoñ kī vabā se bhī nahīñ sharminda ye aalam

utāregā azaab apne ḳhudā āhista āhista

sabhī zaḳhmoñ ko us ne phir hamāre kar diyā taaza

chalī hai aaj yuuñ bād-e-sabā āhista āhista

maiñ kaise sakte meñ āḳhir khaḌā huuñ biich raste meñ

koī detā hai phir mujh ko sadā āhista āhista

na chhoḌo haath se kuchh din abhī aur sabr kā dāman

pahuñchtī hai falak par bhī duā āhista āhista

yahāñ mīzā.iloñ kī bārisheñ hone lagīñ 'saifī'

ye duniyā ho hī jā.egī fanā āhista āhista

yaqinan rang laegi dua aahista aahista

karega bewafa bhi ab wafa aahista aahista

gunahon ki waba se bhi nahin sharminda ye aalam

utarega azab apne KHuda aahista aahista

sabhi zaKHmon ko us ne phir hamare kar diya taza

chali hai aaj yun baad-e-saba aahista aahista

main kaise sakte mein aaKHir khaDa hun bich raste mein

koi deta hai phir mujh ko sada aahista aahista

na chhoDo hath se kuchh din abhi aur sabr ka daman

pahunchti hai falak par bhi dua aahista aahista

yahan mizailon ki barishen hone lagin 'saifi'

ye duniya ho hi jaegi fana aahista aahista