ye aaina hai aaina tamasha ho nahin sakta

ye ā.īna hai ā.īna tamāsha ho nahīñ saktā

jise sach bolnā aatā ho rusvā ho nahīñ saktā

bahut mushkil se tahrīkeñ kabhī tārīḳh bantī haiñ

kisī patthar kā naqsh-o-nām katba ho nahīñ saktā

ḳhudā maujūd hai is meñ ye mirī maañ kā āñchal hai

ye arsh-e-āfrīñ kuchh ho shikasta ho nahīñ saktā

mujhe majbūr mat karnā mirī majbūriyāñ bhī haiñ

maiñ terā dost huuñ par tere jaisā ho nahīñ saktā

kisī saada varaq par bhī koī ḳhat khīñch letā hai

ye banda fitratan ai 'qaus' tanhā ho nahīñ saktā

ye aaina hai aaina tamasha ho nahin sakta

jise sach bolna aata ho ruswa ho nahin sakta

bahut mushkil se tahriken kabhi tariKH banti hain

kisi patthar ka naqsh-o-nam katba ho nahin sakta

KHuda maujud hai is mein ye meri man ka aanchal hai

ye arsh-e-afrin kuchh ho shikasta ho nahin sakta

mujhe majbur mat karna meri majburiyan bhi hain

main tera dost hun par tere jaisa ho nahin sakta

kisi sada waraq par bhi koi KHat khinch leta hai

ye banda fitratan ai 'qaus' tanha ho nahin sakta