ye aarzu hain hum koi aarzu karte

Lais Quraishi

ye aarzu hain hum koi aarzu karte

Lais Quraishi

MORE BYLais Quraishi

    ye aarzū haiñ ham koī aarzū karte

    asiir ḳhud ko na ham dām-e-rañg-o-bū karte

    itāb-bīñ jo hamāre haiñ nukta-chīñ ham par

    kahīñ jo milte to ham khul ke guftugū karte

    vo aa.ina jo kare harf-gīrī-e-kirdār

    jo haath aa.e to logoñ ke rū-ba-rū karte

    kahīñ surāġh-e-ḳhulūs-o-vafā agar miltā

    to apnī zaat ko ham vaqf-e-justujū karte

    ham aaj ashk-ba-dāmāñ jo haiñ to ronā kyā

    tamām-umr guzrī hai hā-o-hū karte

    misāl-e-ā.ina rakhte jo dil meñ aks-e-jamīl

    kabhī tabāh na shīshe aabrū karte

    ḳharāb hote ḳharābe meñ aur kyā hotā

    huzūr-e-sāqī agar ham subū subū karte

    hameñ bhī kaash jo taufīq-e-aizdī hotī

    to ham bhī kausar-o-tasnīm se vuzū karte

    yaqīñ jo hotā ki hoñge halāk sidq-o-vafā

    to ehtimām se marne aarzū karte

    hameñ bhī raas jo aatī shaguftagī dil

    to 'lais' ham bhī kabhī jur.at-e-numū karte

    ye aarzu hain hum koi aarzu karte

    asir KHud ko na hum dam-e-rang-o-bu karte

    itab-bin jo hamare hain nukta-chin hum par

    kahin jo milte to hum khul ke guftugu karte

    wo aaina jo kare harf-giri-e-kirdar

    jo hath aae to logon ke ru-ba-ru karte

    kahin suragh-e-KHulus-o-wafa agar milta

    to apni zat ko hum waqf-e-justuju karte

    hum aaj ashk-ba-daman jo hain to rona kya

    tamam-umr hi guzri hai ha-o-hu karte

    misal-e-aina rakhte jo dil mein aks-e-jamil

    kabhi tabah na shishe ki aabru karte

    KHarab hote KHarabe mein aur kya hota

    huzur-e-saqi agar hum subu subu karte

    hamein bhi kash jo taufiq-e-aizdi hoti

    to hum bhi kausar-o-tasnim se wuzu karte

    yaqin jo hota ki honge halak sidq-o-wafa

    to ehtimam se marne ki aarzu karte

    hamein bhi ras jo aati shaguftagi dil ki

    to 'lais' hum bhi kabhi jurat-e-numu karte

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY