ye baat phir mujhe suraj batane aaya hai
ye baat phir mujhe sūraj batāne aayā hai
azal se mere ta.āqub meñ merā saayā hai
buland hotī chalī jā rahī haiñ dīvāreñ
asīr-e-dar hai vo jis ne mujhe bulāyā hai
maiñ lā-zavāl thā miT miT ke phir ubhartā rahā
gañvā gañvā ke mujhe zindagī ne paayā hai
vo jis ke nain haiñ gahre samundaroñ jaise
vo apnī zaat meñ mujh ko Dubone aayā hai
milī hai us ko bhī shohrat 'qatīl' merī tarah
jab us ne apne laboñ par mujhe sajāyā hai
ye baat phir mujhe suraj batane aaya hai
azal se mere taaqub mein mera saya hai
buland hoti chali ja rahi hain diwaren
asir-e-dar hai wo jis ne mujhe bulaya hai
main la-zawal tha miT miT ke phir ubharta raha
ganwa ganwa ke mujhe zindagi ne paya hai
wo jis ke nain hain gahre samundaron jaise
wo apni zat mein mujh ko Dubone aaya hai
mili hai us ko bhi shohrat 'qatil' meri tarah
jab us ne apne labon par mujhe sajaya hai
- Book : Kalam Qateel Shifai (Pg. 141)
- Author : Farooq Argali
- Publication : Farid Book Depot Pvt. Ltd (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
