ye bhi israr koi rauzan-e-dar baz na ho

ye bhī isrār koī rauzan-e-dar baaz na ho

saañs lete raho par saañs kī āvāz na ho

yak-ba-yak ālam-e-iz.hār meñ sannāTe kī guuñj

aane vaale kisī tūfān kī ġhammāz na ho

sher-o-fan āzar-e-hāzir ke tarāshīda sanam

tohmat-e-lauh-o-qalam tausan-e-parvāz na ho

phir tirī yaad se raushan huā kāshāna-e-dil

vus.at-e-kaun-o-makāñ jalva-gah-e-nāz na ho

vaqt ke jabr se kab kār-e-junūñ-ḳhez rukā

koshish-e-sañg-zanī nuqta-e-āġhāz na ho

ye bhi israr koi rauzan-e-dar baz na ho

sans lete raho par sans ki aawaz na ho

yak-ba-yak aalam-e-izhaar mein sannaTe ki gunj

aane wale kisi tufan ki ghammaz na ho

sher-o-fan aazar-e-hazir ke tarashida sanam

tohmat-e-lauh-o-qalam tausan-e-parwaz na ho

phir teri yaad se raushan hua kashana-e-dil

wusat-e-kaun-o-makan jalwa-gah-e-naz na ho

waqt ke jabr se kab kar-e-junun-KHez ruka

koshish-e-sang-zani nuqta-e-aghaz na ho