ye bhi koi baat ki sirf tamasha kar

ye bhī koī baat ki sirf tamāshā kar

bech rahā huuñ jins-e-dil-o-jāñ saudā kar

merī ḳhalvat kuchh hañgāme rakhtī hai

aur bhī log aate haiñ tū bhī aayā kar

apnī nisbat kā ezaaz na mujh se chhīn

jitnā jī chāhe tū mujh ko rusvā kar

tujh ko apne saath Dubone vaalā maiñ

mere liye ek ek se tū mat uljhā kar

maiñ bhī dekhūñ tiir pe ram zanjīr pe raqs

kuchh to vahshat mere ġhazāl-e-ra.anā kar

ghol de hijr ke rañgoñ meñ kuchh dil kā lahū

koī naqsh to us kī yaad kā zinda kar

dekh apnī āñkhoñ se ravāñ asr-e-umar

'ramz' apne kufr-e-anā se tauba kar

ye bhi koi baat ki sirf tamasha kar

bech raha hun jins-e-dil-o-jaan sauda kar

meri KHalwat kuchh hangame rakhti hai

aur bhi log aate hain tu bhi aaya kar

apni nisbat ka ezaz na mujh se chhin

jitna ji chahe tu mujh ko ruswa kar

tujh ko apne sath Dubone wala main

mere liye ek ek se tu mat uljha kar

main bhi dekhun tir pe ram zanjir pe raqs

kuchh to wahshat mere ghazal-e-rana kar

ghol de hijr ke rangon mein kuchh dil ka lahu

koi naqsh to us ki yaad ka zinda kar

dekh apni aankhon se rawan asr-e-umar

'ramz' apne kufr-e-ana se tauba kar