ye bhi sach hai ki sar nahin rahna

ye bhī sach hai ki sar nahīñ rahnā

is zabāñ ne magar nahīñ rahnā

ab to chup huuñ ki ruuTh jāoge

phir mujhe ye bhī Dar nahīñ rahnā

maiñ bhī de lūñgā hausla ḳhud ko

tum bhī jaao agar nahīñ rahnā

hoñge jab dekhne ke laa.eq ham

koī ahl-e-nazar nahīñ rahnā

hai ḳhudā kā nizām ḳhatre meñ

is bashar ne bashar nahīñ rahnā

ye bhi sach hai ki sar nahin rahna

is zaban ne magar nahin rahna

ab to chup hun ki ruTh jaoge

phir mujhe ye bhi Dar nahin rahna

main bhi de lunga hausla KHud ko

tum bhi jao agar nahin rahna

honge jab dekhne ke laeq hum

koi ahl-e-nazar nahin rahna

hai KHuda ka nizam KHatre mein

is bashar ne bashar nahin rahna