ye dastan-e-gham-e-dil kahan kahi jae
ye dāstān-e-ġham-e-dil kahāñ kahī jaa.e
yahāñ to khul ke koī baat bhī na kī jaa.e
tumhāre haath sahī faisla magar phir bhī
zarā asiir kī rūdād to sunī jaa.e
ye raat din kā taḌapnā bhī kyā qayāmat hai
jo tum nahīñ to tumhārā ḳhayāl bhī jaa.e
ab is se baḌh ke bhalā aur kyā sitam hogā
zabān khul na sake aañkh dekhtī jaa.e
ye chaak chaak garebāñ nahīñ hai dīvāne
jise bas ek chhalaktī nazar hī sī jaa.e
koī sabīl ki ye sehr-e-jāñ-gusil TuuTe
koī ilaaj ki ye daur-e-bebasī jaa.e
ye dastan-e-gham-e-dil kahan kahi jae
yahan to khul ke koi baat bhi na ki jae
tumhaare hath sahi faisla magar phir bhi
zara asir ki rudad to suni jae
ye raat din ka taDapna bhi kya qayamat hai
jo tum nahin to tumhaara KHayal bhi jae
ab is se baDh ke bhala aur kya sitam hoga
zaban khul na sake aankh dekhti jae
ye chaak chaak gareban nahin hai diwane
jise bas ek chhalakti nazar hi si jae
koi sabil ki ye sehr-e-jaan-gusil TuTe
koi ilaj ki ye daur-e-bebasi jae
Source:
Rag-e-jan (Pg. 67)
- Author: Ahmad Rahi
-
- Edition: 2005
- Publisher: Al-Hamd Publication
- Year of Publication: 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
