ye dastan-e-shab-e-hijr kaun sunta bhala

ye dāstān-e-shab-e-hijr kaun suntā bhalā

junūñ bhī is ko kahāñ tak bayān kartā bhalā

koī to saath ho rone ko aur hañsne ko

akelā aadmī hañstā bhalā na rotā bhalā

sadā.eñ TuuT ga.iiñ aur samā.ateñ pighlīñ

ki aise shor-e-qayāmat meñ kaun suntā bhalā

vo aa.e bazm meñ pūchhā hameñ chale bhī ga.e

hamārī āñkheñ thiiñ pur-nam nazar kyā aatā bhalā

ayādatoñ ke liye jaanā us kī aadat thī

vagarna dekhne 'safiya' tumheñ vo aatā bhalā

ye dastan-e-shab-e-hijr kaun sunta bhala

junun bhi is ko kahan tak bayan karta bhala

koi to sath ho rone ko aur hansne ko

akela aadmi hansta bhala na rota bhala

sadaen TuT gain aur samaaten pighlin

ki aise shor-e-qayamat mein kaun sunta bhala

wo aae bazm mein puchha hamein chale bhi gae

hamari aankhen thin pur-nam nazar kya aata bhala

ayaadaton ke liye jaana us ki aadat thi

wagarna dekhne 'safiya' tumhein wo aata bhala