ye dard-e-la-zawal tumhein kaun de gaya

Qaisar Qalandar

ye dard-e-la-zawal tumhein kaun de gaya

Qaisar Qalandar

MORE BYQaisar Qalandar

    ye dard-e-lā-zavāl tumheñ kaun de gayā

    sarmāya-e-jamāl tumheñ kaun de gayā

    mausīqiyoñ chāñdnī nikhrī hai lafz lafz

    ye ishrat-e-ḳhayāl tumheñ kaun de gayā

    is vādī-e-sukūn-o-musarrat ke bāvajūd

    ye rañj ye malāl tumheñ kaun de gayā

    kab tak talāsh kījiye āsūda-hāliyāñ

    afsurda māh-o-sāl tumheñ kaun de gayā

    dil ke qarīb hijr rut ḳhema-zan huī

    tahniyyat-e-visāl tumheñ kaun de gayā

    mafqūd ho ga.ī haiñ yahāñ lab-kushā.iyāñ

    ye Dher bhar savāl tumheñ kaun de gayā

    ra.anā.iyoñ ke lab pe mukarrar savāl hai

    be-aib ḳhadd-o-ḳhāl tumheñ kaun de gayā

    ye dard-e-la-zawal tumhein kaun de gaya

    sarmaya-e-jamal tumhein kaun de gaya

    mausiqiyon ki chandni nikhri hai lafz lafz

    ye ishrat-e-KHayal tumhein kaun de gaya

    is wadi-e-sukun-o-musarrat ke bawajud

    ye ranj ye malal tumhein kaun de gaya

    kab tak talash kijiye aasuda-haaliyan

    afsurda mah-o-sal tumhein kaun de gaya

    dil ke qarib hijr ki rut KHema-zan hui

    tahniyyat-e-visal tumhein kaun de gaya

    mafqud ho gai hain yahan lab-kushaiyan

    ye Dher bhar sawal tumhein kaun de gaya

    ranaiyon ke lab pe mukarrar sawal hai

    be-aib KHadd-o-KHal tumhein kaun de gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY