aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye dasht-e-faramoshi Thaharne nahin deta

Kishwar Naheed

ye dasht-e-faramoshi Thaharne nahin deta

Kishwar Naheed

MORE BYKishwar Naheed

    ye dasht-e-farāmoshī Thaharne nahīñ detā

    lekin dar-e-ḳhvāhish ko bhī khulne nahīñ detā

    ye rasm hai dīvār-o-dar-e-girya lekin

    daryūza-gar-e-ḳhvāb to rone nahīñ detā

    āshob hai aisā ki sarāsīma hai vahshat

    ye ijz-e-bayāñ zaḳhm bhī dhone nahīñ detā

    haañ manzil-e-ummīd bhī nazdīk thī lekin

    ġham-ḳhāna-e-jānānāñ bahalne nahīñ detā

    āñkhoñ meñ vahī ranj-e-asīrī hai musallat

    jo hashr bapā honā thā hone nahīñ detā

    be-nām rahī ḳhvāhish-e-dīdār hamesha

    shabnam tarah vo mujhe hañsne nahīñ detā

    āñgan meñ lahū dekh ke rotī nahīñ āñkheñ

    ye dil to sulagtā hai pa jalne nahīñ detā

    ye dasht-e-faramoshi Thaharne nahin deta

    lekin dar-e-KHwahish ko bhi khulne nahin deta

    ye rasm hai diwar-o-dar-e-girya ki lekin

    daryuza-gar-e-KHwab to rone nahin deta

    aashob hai aisa ki sarasima hai wahshat

    ye ijz-e-bayan zaKHm bhi dhone nahin deta

    han manzil-e-ummid bhi nazdik thi lekin

    gham-KHana-e-jaananan bahalne nahin deta

    aankhon mein wahi ranj-e-asiri hai musallat

    jo hashr bapa hona tha hone nahin deta

    be-nam rahi KHwahish-e-didar hamesha

    shabnam ki tarah wo mujhe hansne nahin deta

    aangan mein lahu dekh ke roti nahin aankhen

    ye dil to sulagta hai pa jalne nahin deta

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now