ye daulat rutba shohrat aur ye iman miTTi hai

ye daulat rutba shohrat aur ye īmān miTTī hai

lagāyā haath tab jaanā falak be-jān miTTī hai

lagī jab aag pattoñ meñ shajar tab ro paḌā ġham meñ

kahā phir shāḳh ne har shai yahāñ nādān miTTī hai

likhūñ maiñ falsafe kī shā.irī yā giit ulfat ke

maiñ shā.ir huuñ mirī har nazm kā unvān miTTī hai

kitāb-e-hijr meñ maiñ ab likhūñgā vasl ke qisse

mohabbat meñ milā hai jo mujhe tāvān miTTī hai

nahīñ ma.alūm hasrat se maiñ miTTī dekhtā huuñ kyoñ

mujhe shāyad ḳhabar hai kul mirī pahchān miTTī hai

dikhātā khel hai sab ko 'azal' ban kar madārī aur

tamāshā dekhtā hai jo vo har insān miTTī hai

ye daulat rutba shohrat aur ye iman miTTi hai

lagaya hath tab jaana falak be-jaan miTTi hai

lagi jab aag patton mein shajar tab ro paDa gham mein

kaha phir shaKH ne har shai yahan nadan miTTi hai

likhun main falsafe ki shairi ya git ulfat ke

main shair hun meri har nazm ka unwan miTTi hai

kitab-e-hijr mein main ab likhunga wasl ke qisse

mohabbat mein mila hai jo mujhe tawan miTTi hai

nahin malum hasrat se main miTTi dekhta hun kyon

mujhe shayad KHabar hai kul meri pahchan miTTi hai

dikhata khel hai sab ko 'azal' ban kar madari aur

tamasha dekhta hai jo wo har insan miTTi hai