ye dil hai ab tumhaara bolte hain

ye dil hai ab tumhārā bolte haiñ

zarā sun lo dobāra bolte haiñ

vahāñ par log pyāse mar rahe haiñ

chalo paanī kā na.ara bolte haiñ

amānat tum kisī kī ho magar sab

tumheñ ab tak hamārā bolte haiñ

jo jugnū ham ne Tāñkā thā falak par

usī ko log taarā bolte haiñ

ki ham tum haiñ mohabbat meñ jahāñ par

hameñ sab vīr-zārā bolte haiñ

unheñ koī samundar kyā Dubo.e

bhañvar ko jo kinārā bolte haiñ

ye dil hai ab tumhaara bolte hain

zara sun lo dobara bolte hain

wahan par log pyase mar rahe hain

chalo pani ka nara bolte hain

amanat tum kisi ki ho magar sab

tumhein ab tak hamara bolte hain

jo jugnu hum ne Tanka tha falak par

usi ko log tara bolte hain

ki hum tum hain mohabbat mein jahan par

hamein sab wir-zara bolte hain

unhen koi samundar kya Duboe

bhanwar ko jo kinara bolte hain