ye dil jo muztarib rahta bahut hai

Bedil Haidri

ye dil jo muztarib rahta bahut hai

Bedil Haidri

MORE BYBedil Haidri

    ye dil jo muztarib rahtā bahut hai

    koī is dasht meñ taḌpā bahut hai

    koī is raat ko Dhalne se roke

    mirā qissa abhī rahtā bahut hai

    bahut tañg huuñ āñkhoñ ke hāthoñ

    ye dariyā aaj kal bahtā bahut hai

    ba-vaqt-e-shām ikaTThe Dūbte haiñ

    dil aur sūraj meñ yārāna bahut hai

    bahut raas hai sahrā lahū ko

    ki sahrā meñ lahū ugtā bahut hai

    mubārak us ko us ke tar nivāle

    mujhe sūkhā huā TukḌā bahut hai

    bayāz is vāste ḳhālī hai merī

    mujhe aflās ne bechā bahut hai

    butoñ naam bhī paḌhtā hai 'be-dil'

    ḳhudā naam bhī letā bahut hai

    ye dil jo muztarib rahta bahut hai

    koi is dasht mein taDpa bahut hai

    koi is raat ko Dhalne se roke

    mera qissa abhi rahta bahut hai

    bahut hi tang hun aankhon ke hathon

    ye dariya aaj kal bahta bahut hai

    ba-waqt-e-sham ikaTThe Dubte hain

    dil aur suraj mein yarana bahut hai

    bahut hi ras hai sahra lahu ko

    ki sahra mein lahu ugta bahut hai

    mubarak us ko us ke tar niwale

    mujhe sukha hua TukDa bahut hai

    bayaz is waste KHali hai meri

    mujhe aflas ne becha bahut hai

    buton ka nam bhi paDhta hai 'be-dil'

    KHuda ka nam bhi leta bahut hai

    Source :
    • Book : Beesveen Sadi Ki Behtareen Ishqiya Ghazlen (Pg. 65)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY