ye dil kahta hai koi aa raha hai
ye dil kahtā hai koī aa rahā hai
nazar kahtī hai vo bahlā rahā hai
har ik ke dil pe kartā hai hukūmat
vo apnī saltanat phailā rahā hai
kisī kī dastaras meñ hai magar vo
kabhī aa kar hameñ miltā rahā hai
kabhī detā hai dil ko zaḳhm gahre
kabhī lagtā hai vo sahlā rahā hai
ḳhabar ik us ke aane kī sunī thī
diyā ghar raat bhar jaltā rahā hai
kaheñge log mere baad saare
vo jaisā bhī rahā achchhā rahā hai
kahāñ par aa ke 'aḳhtar' ruk ga.e ho
chalo aao zamāna jā rahā hai
ye dil kahta hai koi aa raha hai
nazar kahti hai wo bahla raha hai
har ek ke dil pe karta hai hukumat
wo apni saltanat phaila raha hai
kisi ki dastaras mein hai magar wo
kabhi aa kar hamein milta raha hai
kabhi deta hai dil ko zaKHm gahre
kabhi lagta hai wo sahla raha hai
KHabar ek us ke aane ki suni thi
diya ghar raat bhar jalta raha hai
kahenge log mere baad sare
wo jaisa bhi raha achchha raha hai
kahan par aa ke 'aKHtar' ruk gae ho
chalo aao zamana ja raha hai
Source:
Rooh-e-Ghazal,Pachas Sala Intekhab (Pg. 551)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
