ye dua kash pur-asar ho jae

ye duā kaash pur-asar ho jaa.e

merā har ḳhvāb mo'atabar ho jaa.e

pyāsī pyāsī sī zindagī kī zamīñ

terī yādoñ se tar-ba-tar ho jaa.e

zikr terā ho fikr terī ho

umr kuchh is tarah basar ho jaa.e

badleñ tārīkiyāñ ujāloñ se

qurb hāsil tirā agar ho jaa.e

abr-e-rahmat hai pyāsā pyāsā dil

is taraf bhī to ik nazar ho jaa.e

dil ko mere sambhāl le maulā

is se pahle ki dar-ba-dar ho jaa.e

hai vahī hoshiyār 'nīlam' jo

maut se pahle bā-ḳhabar ho jaa.e

ye dua kash pur-asar ho jae

mera har KHwab mo'atabar ho jae

pyasi pyasi si zindagi ki zamin

teri yaadon se tar-ba-tar ho jae

zikr tera ho fikr teri ho

umr kuchh is tarah basar ho jae

badlen tarikiyan ujalon se

qurb hasil tera agar ho jae

abr-e-rahmat hai pyasa pyasa dil

is taraf bhi to ek nazar ho jae

dil ko mere sambhaal le maula

is se pahle ki dar-ba-dar ho jae

hai wahi hoshiyar 'nilam' jo

maut se pahle ba-KHabar ho jae