ye duniya hai use dar-ul-fitan kahna hi paDta hai
ye duniyā hai use dār-ul-fitan kahnā hī paḌtā hai
yahāñ har rāhbar ko rāhzan kahnā hī paḌtā hai
vafūr-e-aql-e-insāñ se baḌhī insāñ-kushī itnī
vafūr-e-aql ko dīvāna-pan kahnā hī paḌtā hai
vo sahrā jis meñ kaT jaate haiñ din yād-e-bahārāñ se
bā-alfāz-e-digar us ko chaman kahnā hī paḌtā hai
gul-afshānī-e-guftār-e-mujāhid be-asar ho jab
to us ko qissa-e-dār-o-rasan kahnā hī paḌtā hai
yahāñ kitnoñ ke jī chhūTe yahāñ kitnoñ ke dam TuuTe
vafā kī raah ko himmat-shikan kahnā hī paḌtā hai
ye duniya hai use dar-ul-fitan kahna hi paDta hai
yahan har rahbar ko rahzan kahna hi paDta hai
wafur-e-aql-e-insan se baDhi insan-kushi itni
wafur-e-aql ko diwana-pan kahna hi paDta hai
wo sahra jis mein kaT jate hain din yaad-e-bahaaran se
ba-alfaz-e-digar us ko chaman kahna hi paDta hai
gul-afshani-e-guftar-e-mujahid be-asar ho jab
to us ko qissa-e-dar-o-rasan kahna hi paDta hai
yahan kitnon ke ji chhuTe yahan kitnon ke dam TuTe
wafa ki rah ko himmat-shikan kahna hi paDta hai
Source:
Rooh-e-Ghazal,Pachas Sala Intekhab (Pg. 258)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
