ye faqat shorish-e-hawa to nahin

ye faqat shorish-e-havā to nahīñ

koī mujh ko pukārtā to nahīñ

bol ai aḳhtar-e-ġhunūda-e-sub.h

koī rātoñ ko jāgtā to nahīñ

sun ki ye madd-o-jazr-e-sāhil-e-bahr

mājrāoñ kā mājrā to nahīñ

zehn par ek khurdurī sī lakīr

kankhajūre kā rāstā to nahīñ

ret par chaḌh rahī hai ret kī tah

bābul o misr o nainvā to nahīñ

nok-e-har-ḳhār-o-ḳhas hai ḳhūñ-ālūd

rūh-e-sahrā barahna-pā to nahīñ

ai mirī jān-e-mubtalā ke sukūñ

tū koī jān-e-mubtalā to nahīñ

tere jism-e-hasīñ meñ ḳhvābīda

bāġh-e-jannat kā azhdahā to nahīñ

ye faqat shorish-e-hawa to nahin

koi mujh ko pukarta to nahin

bol ai aKHtar-e-ghunuda-e-subh

koi raaton ko jagta to nahin

sun ki ye madd-o-jazr-e-sahil-e-bahr

majraon ka majra to nahin

zehn par ek khurduri si lakir

kankhajure ka rasta to nahin

ret par chaDh rahi hai ret ki tah

babul o misr o nainwa to nahin

nok-e-har-KHar-o-KHas hai KHun-alud

ruh-e-sahra barahna-pa to nahin

ai meri jaan-e-mubtala ke sukun

tu koi jaan-e-mubtala to nahin

tere jism-e-hasin mein KHwabida

bagh-e-jannat ka azhdaha to nahin