ye ghar sajaya hai tumne janab kis ke liye

ye ghar sajāyā hai tum ne janāb kis ke liye

ye ḳhaar kis ke liye haiñ gulāb kis ke liye

agar hai pyaas bujhānī to justujū bhī karo

bachā ke kis ne rakhī hai sharāb kis ke liye

kitāb-e-zīst ko yakjā karūñ to kaise karūñ

ye baab kis ke liye hai vo baab kis ke liye

jahāñ meñ koī bhī ahl-e-nazar nahīñ miltā

agar karūñ bhī to chehra kitāb kis ke liye

savāl aaj bhī ye lā-javāb hai 'aslam'

huā hai dil mirā ḳhāna-ḳharāb kis ke liye

ye ghar sajaya hai tum ne janab kis ke liye

ye KHar kis ke liye hain gulab kis ke liye

agar hai pyas bujhani to justuju bhi karo

bacha ke kis ne rakhi hai sharab kis ke liye

kitab-e-zist ko yakja karun to kaise karun

ye bab kis ke liye hai wo bab kis ke liye

jahan mein koi bhi ahl-e-nazar nahin milta

agar karun bhi to chehra kitab kis ke liye

sawal aaj bhi ye la-jawab hai 'aslam'

hua hai dil mera KHana-KHarab kis ke liye