ye ghunghaT kya burqa kya rida kya

ye ghūñghaT kyā burqā kyā ridā kyā

uThā jab aañkh kā parda rahā kyā

ye sach hai peT hī ḳhālī agar ho

kisī kā ġhamza-o-nāz-o-adā kyā

havā gar jail kī khaa.e na leader

use khaddar pahanñe kā mazā kyā

mohazzab hī rahe ta.alīm ke baad

to phir schōl meñ tum ne paḌhā kyā

ho dāḳhil jab havā meñ oxigen

abas koī kare fikr-e-ġhizā kyā

uThā kar pī liyā ik jām-e-rañgīñ

faqat ḳhushbū hī us kī sūñghtā kyā

nahīñ maañ baap kī izzat salāmat

chachī kyā chiiz hai 'hāshim' chachā kyā

ye ghunghaT kya burqa kya rida kya

uTha jab aankh ka parda raha kya

ye sach hai peT hi KHali agar ho

kisi ka ghamza-o-naz-o-ada kya

hawa gar jail ki khae na leader

use khaddar pahanne ka maza kya

mohazzab hi rahe talim ke baad

to phir school mein tum ne paDha kya

ho daKHil jab hawa mein oxigen

abas koi kare fikr-e-ghiza kya

uTha kar pi liya ek jam-e-rangin

faqat KHushbu hi us ki sunghta kya

nahin man bap ki izzat salamat

chachi kya chiz hai 'hashim' chacha kya