ye hadsa meri aankhon se gar nahin hota
ye hādsa mirī āñkhoñ se gar nahīñ hotā
to koī ġham bhī mirā ham-safar nahīñ hotā
havā ke ḳhauf se lo thartharātī rahtī hai
bujhe charāġh ko āñdhī kā Dar nahīñ hotā
qadam qadam pe yahāñ ġham kī dhuup bikhrī hai
koī safar bhī ḳhushī kā safar nahīñ hotā
ḳhudā kī tarah mire dil meñ gar na tū bastā
to merā dil bhī ibādat kā ghar nahīñ hotā
kisī ko yūñhī vafāoñ se mat navāzā kar
ki be-vafā pe vafā kā asar nahīñ hotā
ye hadsa meri aankhon se gar nahin hota
to koi gham bhi mera ham-safar nahin hota
hawa ke KHauf se lo thartharaati rahti hai
bujhe charagh ko aandhi ka Dar nahin hota
qadam qadam pe yahan gham ki dhup bikhri hai
koi safar bhi KHushi ka safar nahin hota
KHuda ki tarah mere dil mein gar na tu basta
to mera dil bhi ibaadat ka ghar nahin hota
kisi ko yunhi wafaon se mat nawaza kar
ki be-wafa pe wafa ka asar nahin hota
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
