ye hadse mere fan ko nikhaar bhi denge

Maikash Badayuni

ye hadse mere fan ko nikhaar bhi denge

Maikash Badayuni

MORE BYMaikash Badayuni

    ye hādse mire fan ko nikhār bhī deñge

    hayāt ko nafas-e-sho.ala-bār bhī deñge

    ye uñgliyāñ ki jo raqsāñ haiñ sāz-e-ishrat par

    ham un se kākul-e-gītī sañvār bhī deñge

    ḳhizāñ-rasīda ye ġhunche ye ḳhār-o-ḳhas sumūm

    chaman ko muzda-e-fasl-e-bahār bhī deñge

    payām-e-sub.h-e-masarrat kahāñ muqaddar meñ

    kisī tarah jo shab-e-ġham guzār bhī deñge

    kuchh aur socho mire haq meñ dushmanoñ ki mujhe

    matā-e-ġham to mire ġham-gusār bhī deñge

    kise ḳhabar thī ki ālām-e-zindagī 'maikash'

    ḳhumār-e-bāda-e-ishrat utaar bhī deñge

    ye hadse mere fan ko nikhaar bhi denge

    hayat ko nafas-e-shoala-bar bhi denge

    ye ungliyan ki jo raqsan hain saz-e-ishrat par

    hum un se kakul-e-giti sanwar bhi denge

    KHizan-rasida ye ghunche ye KHar-o-KHas ya sumum

    chaman ko muzda-e-fasl-e-bahaar bhi denge

    payam-e-subh-e-masarrat kahan muqaddar mein

    kisi tarah jo shab-e-gham guzar bhi denge

    kuchh aur socho mere haq mein dushmanon ki mujhe

    mata-e-gham to mere gham-gusar bhi denge

    kise KHabar thi ki aalam-e-zindagi 'maikash'

    KHumar-e-baada-e-ishrat utar bhi denge

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY