ye humne mana ki hoga visal-e-yar nasib
ye ham ne maanā ki hogā visāl-e-yār nasīb
dil-e-hazīñ ko magar hai kahāñ qarār nasīb
ye apnā apnā muqaddar hai aur kyā kahiye
ḳhizāñ nasīb koī hai koī bahār nasīb
koī to ek nazar ke liye tarastā hai
kisī ko hotā hai dīdār baar baar nasīb
na aarzū tirī karte na aabrū khote
ḳhud apne dil pe agar hotā iḳhtiyār nasīb
sunā to hai terā dīdār ek din hogā
isī umiid pe baiThe haiñ intizār nasīb
samajh sakegā vo kyā mere dil kī betābī
huā na jis ko kabhī soz-e-ishq yaar nasīb
jahāñ meñ aur bhī 'āsī' alam ke maare haiñ
yahāñ pe tū hī nahīñ ek sogvār-nasīb
ye hum ne mana ki hoga visal-e-yar nasib
dil-e-hazin ko magar hai kahan qarar nasib
ye apna apna muqaddar hai aur kya kahiye
KHizan nasib koi hai koi bahaar nasib
koi to ek nazar ke liye tarasta hai
kisi ko hota hai didar bar bar nasib
na aarzu teri karte na aabru khote
KHud apne dil pe agar hota iKHtiyar nasib
suna to hai tera didar ek din hoga
isi umid pe baiThe hain intizar nasib
samajh sakega wo kya mere dil ki betabi
hua na jis ko kabhi soz-e-ishq yar nasib
jahan mein aur bhi 'asi' alam ke mare hain
yahan pe tu hi nahin ek sogwar-nasib
Source:
Rooh-e-Ghazal,Pachas Sala Intekhab (Pg. 802)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
