ye hasb-e-aql to koi nahin saman milne ka
ye hasb-e-aql to koī nahīñ sāmān milne kā
magar duniyā se le jāveñge ham armān milne kā
ajab mushkil hai kyā kahiye baġhair-az-jān dene ke
koī naqsha nazar aatā nahīñ āsān milne kā
hameñ to ḳhaak meñ jā kar bhī kyā kyā be-kalī hogī
jab aa jāvegā us ġhuncha-dahan se dhyān milne kā
kisī se milne aa.e the so yaañ bhī ho chale ik dam
kahe detā huuñ ye mujh par nahīñ ehsān milne kā
'nazīr' ik umr ham us dil-rubā ke vasl kī ḳhātir
bahut ro.e bahut chīḳhe pa kyā imkān milne kā
hamārī be-qarārī iztirābī kuchh na kaam aa.ī
vo ḳhud hī aa milā jab vaqt aayā aan milne kā
ye hasb-e-aql to koi nahin saman milne ka
magar duniya se le jawenge hum arman milne ka
ajab mushkil hai kya kahiye baghair-az-jaan dene ke
koi naqsha nazar aata nahin aasan milne ka
hamein to KHak mein ja kar bhi kya kya be-kali hogi
jab aa jawega us ghuncha-dahan se dhyan milne ka
kisi se milne aae the so yan bhi ho chale ek dam
kahe deta hun ye mujh par nahin ehsan milne ka
'nazir' ek umr hum us dil-ruba ke wasl ki KHatir
bahut roe bahut chiKHe pa kya imkan milne ka
hamari be-qarari iztirabi kuchh na kaam aai
wo KHud hi aa mila jab waqt aaya aan milne ka
Source:
Kulliyat-e-Nazeer (Pg. 459)
- Author: Nazeer Akbarabadi
-
- Edition: 1976
- Publisher: Ram Narayan Laal Beni Madhu, Allahabad
- Year of Publication: 1976
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
