ye husn aaya hai jab se hamari basti mein
ye husn aayā hai jab se hamārī bastī meñ
har ek 'aql nazar aa rahī hai mastī meñ
tabhī to mere junūñ par dabish nahīñ aatī
maiñ shahr meñ bhī huuñ sahrā kī sarparastī meñ
ye merī fat.h kā e'lān kaise hone lagā
tamām 'umr to guzrī hai ḳhud-shikastī meñ
ham apne chaak pe masrūf rahne lagte haiñ
'ajab karāmateñ hotī haiñ tang-dastī meñ
havā-e-rāhguzar par farefta bhī hai dil
sukūñ bhī DhūñDhtā rahtā hai ghar-grihastī meñ
sunā hai dasht ko vāpas ga.e janāb 'ehsās'
mulāzmat se subuk-dosh ho ke bastī meñ
ye husn aaya hai jab se hamari basti mein
har ek 'aql nazar aa rahi hai masti mein
tabhi to mere junun par dabish nahin aati
main shahr mein bhi hun sahra ki sarparasti mein
ye meri fath ka e'lan kaise hone laga
tamam 'umr to guzri hai KHud-shikasti mein
hum apne chaak pe masruf rahne lagte hain
'ajab karamaten hoti hain tang-dasti mein
hawa-e-rahguzar par farefta bhi hai dil
sukun bhi DhunDhta rahta hai ghar-grihasti mein
suna hai dasht ko wapas gae janab 'ehsas'
mulazmat se subuk-dosh ho ke basti mein
- Book : Mohabbat Kar Ke Dekho Na (Pg. 93)
- Author :Farhat Ehsas
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
