ye huryan-e-farangi dil o nazar ka hijab

ye hūryān-e-farañgī dil o nazar kā hijāb

bahisht-e-maġhrabiyāñ jalva-hā-e-pā-ba-rikāb

dil o nazar kā safīna sañbhāl kar le jā

mah o sitāra haiñ bahr-e-vajūd meñ girdāb

jahān-e-saut-o-sadā meñ samā nahīñ saktī

latīfa-e-azalī hai fuġhān-e-chañg-o-rabāb

sikhā diye haiñ use sheva-hā-e-ḳhānqahī

faqīh-e-shahr ko suufī ne kar diyā hai ḳharāb

vo sajda rūh-e-zamīñ jis se kaañp jaatī thī

usī ko aaj taraste haiñ mimbar o mehrāb

sunī na misr o filistīñ meñ vo azaañ maiñ ne

diyā thā jis ne pahāḌoñ ko rā'sha-e-sīmāb

havā-e-qurtaba shāyad ye hai asar terā

mirī navā meñ hai soz-o-surūr-e-ahd-e-shabāb

ye huryan-e-farangi dil o nazar ka hijab

bahisht-e-maghrabiyan jalwa-ha-e-pa-ba-rikab

dil o nazar ka safina sanbhaal kar le ja

mah o sitara hain bahr-e-wajud mein girdab

jahan-e-saut-o-sada mein sama nahin sakti

latifa-e-azali hai fughan-e-chang-o-rabab

sikha diye hain use shewa-ha-e-KHanqahi

faqih-e-shahr ko sufi ne kar diya hai KHarab

wo sajda ruh-e-zamin jis se kanp jati thi

usi ko aaj taraste hain mimbar o mehrab

suni na misr o filistin mein wo azan main ne

diya tha jis ne pahaDon ko ra'sha-e-simab

hawa-e-qurtaba shayad ye hai asar tera

meri nawa mein hai soz-o-surur-e-ahd-e-shabab