ye iKHlas-e-garan-maya bahut hai

ye iḳhlās-e-garāñ-māya bahut hai

tum aa.e dil ko chain aayā bahut hai

ġham-e-dil ko bahut raas aa.e haiñ ham

ġham-e-dil ham ko raas aayā bahut hai

fareb-e-dushmanāñ ham khā.eñge kyā

fareb-e-dostāñ khāyā bahut hai

mubārak tum ko qasr-o-chatr-e-shāhī

hameñ dīvār kā saaya bahut hai

bahut ham ne bhī samjhāyā hai dil ko

hameñ bhī dil ne samjhāyā bahut hai

usī duniyā ko ham apnā rahe haiñ

ki jis ne ham ko Thukrāyā bahut hai

ḳhudā rakhe use dil-shād 'sāhir'

ki us ne ham ko taḌpāyā bahut hai

ye iKHlas-e-garan-maya bahut hai

tum aae dil ko chain aaya bahut hai

gham-e-dil ko bahut ras aae hain hum

gham-e-dil hum ko ras aaya bahut hai

fareb-e-dushmanan hum khaenge kya

fareb-e-dostan khaya bahut hai

mubarak tum ko qasr-o-chatr-e-shahi

hamein diwar ka saya bahut hai

bahut hum ne bhi samjhaya hai dil ko

hamein bhi dil ne samjhaya bahut hai

usi duniya ko hum apna rahe hain

ki jis ne hum ko Thukraya bahut hai

KHuda rakhe use dil-shad 'sahir'

ki us ne hum ko taDpaya bahut hai