ye inayaten ghazab ki ye bala ki mehrbani

Nazeer Banarasi

ye inayaten ghazab ki ye bala ki mehrbani

Nazeer Banarasi

MORE BYNazeer Banarasi

    ye ināyateñ ġhazab ye balā mehrbānī

    merī ḳhairiyat bhī pūchhī kisī aur zabānī

    nahīñ mujh se jab ta.alluq to ḳhafā ḳhafā se kyuuñ haiñ

    nahīñ jab mirī mohabbat to ye kaisī bad-gumānī

    mirā ġham rulā chukā hai tujhe bikhrī zulf vaale

    ye ghaTā batā rahī hai ki baras chukā hai paanī

    tirā husn so rahā thā mirī chheḌ ne jagāyā

    vo nigāh maiñ ne Daalī ki sañvar ga.ī javānī

    mirī be-zabān āñkhoñ se gire haiñ chand qatre

    vo samajh sakeñ to aañsū na samajh sakeñ to paanī

    hai agar hasīñ banānā tujhe apnī zindagī ko

    to 'nazīr' is jahāñ ko na samajh jahān-e-fānī

    ye inayaten ghazab ki ye bala ki mehrbani

    meri KHairiyat bhi puchhi kisi aur ki zabani

    nahin mujh se jab talluq to KHafa KHafa se kyun hain

    nahin jab meri mohabbat to ye kaisi bad-gumani

    mera gham rula chuka hai tujhe bikhri zulf wale

    ye ghaTa bata rahi hai ki baras chuka hai pani

    tera husn so raha tha meri chheD ne jagaya

    wo nigah main ne Dali ki sanwar gai jawani

    meri be-zaban aankhon se gire hain chand qatre

    wo samajh saken to aansu na samajh saken to pani

    hai agar hasin banana tujhe apni zindagi ko

    to 'nazir' is jahan ko na samajh jahan-e-fani

    Videos
    This video is playing from YouTube

    Videos
    This video is playing from YouTube

    Jagjit Singh

    Jagjit Singh

    Source :
    • Book : Kulliyat-e-Nazeer Banarasi (Pg. 84)
    • Author : Nazeer Banarsi
    • Publication : Educational Publishing House (2014)
    • Edition : 2014
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY