ye ishq hota hai bin sikhae ki us ka koi nisab kaisa

ye ishq hotā hai bin sikhā.e ki us kā koī nisāb kaisā

har ik hai is raah kā musāfir faqīr kaisā navāb kaisā

usuul hai ye dayār-e-dil kā ki aane vaalā gayā na vāpas

har ik sitam muskurā ke sahnā savāl kaisā javāb kaisā

sukūn-e-dil kā maqām pūchho vafā kī manzil ke rāhiyoñ se

kaThin hai har din masāfatoñ kā ye ratjagoñ kā azaab kaisā

huā hai charchā zamāne bhar meñ tumhārī be-nām chāhatoñ kā

to mujh se kyoñ tum chhupā rahe ho nigāhoñ meñ hai ye ḳhvāb kaisā

vafā kī rāhoñ pe chal paḌe ho to dekho dil ko sambhāle rakhnā

qadam qadam dard-e-nā-rasā.ī yahāñ thakan kā hisāb kaisā

ye ishq hota hai bin sikhae ki us ka koi nisab kaisa

har ek hai is rah ka musafir faqir kaisa nawab kaisa

usul hai ye dayar-e-dil ka ki aane wala gaya na wapas

har ek sitam muskura ke sahna sawal kaisa jawab kaisa

sukun-e-dil ka maqam puchho wafa ki manzil ke rahiyon se

kaThin hai har din masafaton ka ye ratjagon ka azab kaisa

hua hai charcha zamane bhar mein tumhaari be-nam chahaton ka

to mujh se kyon tum chhupa rahe ho nigahon mein hai ye KHwab kaisa

wafa ki rahon pe chal paDe ho to dekho dil ko sambhaale rakhna

qadam qadam dard-e-na-rasai yahan thakan ka hisab kaisa