ye ishq ke satae karenge laDai KHak

ye ishq ke satā.e kareñge laḌā.ī ḳhaak

ghar phūñk ke kiyā hai tamāshā uḌaa.ī ḳhaak

ham se jo ho sakā to mohabbat meñ ye kiyā

dil ko jalā ke rāh-e-vafā meñ bujhā.ī ḳhaak

rab kī razā se sang bhī karne lage kalām

tāqat ho gar duāoñ meñ bantī davā.ī ḳhaak

ham ne sunā hai ā.eñge 'irshād' is taraf

palkoñ se apnī dekhiye ham ne uḌaa.ī ḳhaak

do lafz tum ne bole tasallī ke aa ke bas

ai jaan tum ne dostī mujh se nibhā.ī ḳhaak

ye ishq ke satae karenge laDai KHak

ghar phunk ke kiya hai tamasha uDai KHak

hum se jo ho saka to mohabbat mein ye kiya

dil ko jala ke rah-e-wafa mein bujhai KHak

rab ki raza se sang bhi karne lage kalam

taqat ho gar duaon mein banti dawai KHak

hum ne suna hai aaenge 'irshad' is taraf

palkon se apni dekhiye hum ne uDai KHak

do lafz tum ne bole tasalli ke aa ke bas

ai jaan tum ne dosti mujh se nibhai KHak