ye jalwa-e-gah-e-KHas hai kuchh aam nahin hai
ye jalva-e-gah-e-ḳhās hai kuchh aam nahīñ hai
kamzor nigāhoñ kā yahāñ kaam nahīñ hai
jis meñ na chamakte hoñ mohabbat ke sitāre
vo shaam agar hai to mirī shaam nahīñ hai
kyā jaane mohabbat kī hai ye kaun sī manzil
vo saath haiñ phir bhī mujhe ārām nahīñ hai
tum sāmne ḳhud aa.e navāzish ye tumhārī
ab merī nazar par koī ilzām nahīñ hai
afsos vo kab merī nazar dekh rahe haiñ
jab merī nazar meñ koī paiġhām nahīñ hai
shāyad ki 'nazīr' uTh chukā ab dil kā janāza
ab saañs ke pardoñ meñ vo kohrām nahīñ hai
ye jalwa-e-gah-e-KHas hai kuchh aam nahin hai
kamzor nigahon ka yahan kaam nahin hai
jis mein na chamakte hon mohabbat ke sitare
wo sham agar hai to meri sham nahin hai
kya jaane mohabbat ki hai ye kaun si manzil
wo sath hain phir bhi mujhe aaram nahin hai
tum samne KHud aae nawazish ye tumhaari
ab meri nazar par koi ilzam nahin hai
afsos wo kab meri nazar dekh rahe hain
jab meri nazar mein koi paigham nahin hai
shayad ki 'nazir' uTh chuka ab dil ka janaza
ab sans ke pardon mein wo kohram nahin hai
Source:
Kulliyat-e-Nazeer Banarasi (Pg. 84)
- Author: Nazeer Banarsi
-
- Edition: 2014
- Publisher: Educational Publishing House
- Year of Publication: 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
