aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye ji mein aata hai jal jal ke har zaman naseh

Asad Ali Khan Qalaq

ye ji mein aata hai jal jal ke har zaman naseh

Asad Ali Khan Qalaq

MORE BYAsad Ali Khan Qalaq

    ye meñ aatā hai jal jal ke har zamāñ nāseh

    ki aag le ke jalā duuñ tirī zabāñ nāseh

    na man.a ishq-e-majāzī se kar mujhe nādāñ

    yahī hai bām-e-haqīqat nardbāñ nāseh

    maiñ tark-e-ishq-e-kamar yak-ba-yak karūñ kyūñkar

    samajh ke mujh ko nasīhat karo miyāñ nāseh

    zalīl hogā ik roz pand-e-bejā se

    tujhe ḳharāb karegī tirī zabāñ nāseh

    ḳhudā ke vāste bak bak ke merā maġhz na khā

    na tark hogī kabhī ulfat-e-butāñ nāseh

    bajā-e-pand dilātā hai husn par raġhbat

    hazār shukr ki paayā mizāj-dāñ nāseh

    qubūl itā.at-e-pīr-e-muġhāñ badal karnā

    hamārī tarah se hotā agar javāñ nāseh

    nasīhat un kahānī tarah suntā huuñ

    maiñ jāntā huuñ ki hai ek qissa-ḳhvāñ nāseh

    jahāñ hasīñ nazar aayā koī pise vahīñ ham

    hamāre saath phiregā kahāñ kahāñ nāseh

    za.iif ho ke samajhtā nahīñ ta.ajjub hai

    karūñ shabāb meñ tark ulfat-e-butāñ nāseh

    karam kiyā hai ġham-e-ishq ne mire dil meñ

    maiñ kis tarah na karūñ pās-e-mehmāñ nāseh

    ham aap band kiyā karte haiñ hazāroñ ko

    hamāre sāmne kholegā kyā zabāñ nāseh

    butoñ kalima paḌhe abhī hamārī tarah

    kamāl-e-ishq agar puḳhta ho ayaañ nāseh

    maiñ vo huuñ āshiq-e-dīvāna gar mujhe pand

    ba-rañg-e-jaib uḌā dūñgā dhajjiyāñ nāseh

    kahīñ hamārī tarah ye bhī phañs gayā shāyad

    kuchh āj-kal hai bahut ham pe mehrbāñ nāseh

    'qalaq' na harf-e-nasīhat zabāñ pe laa.e vo phir

    jo sun le merī mohabbat dāstāñ nāseh

    ye ji mein aata hai jal jal ke har zaman naseh

    ki aag le ke jala dun teri zaban naseh

    na mana ishq-e-majazi se kar mujhe nadan

    yahi hai baam-e-haqiqat ki nardban naseh

    main tark-e-ishq-e-kamar yak-ba-yak karun kyunkar

    samajh ke mujh ko nasihat karo miyan naseh

    zalil hoga tu ek roz pand-e-beja se

    tujhe KHarab karegi teri zaban naseh

    KHuda ke waste bak bak ke mera maghz na kha

    na tark hogi kabhi ulfat-e-butan naseh

    baja-e-pand dilata hai husn par raghbat

    hazar shukr ki paya mizaj-dan naseh

    qubul itaat-e-pir-e-mughan badal karna

    hamari tarah se hota agar jawan naseh

    nasihat un ki kahani ki tarah sunta hun

    main jaanta hun ki hai ek qissa-KHwan naseh

    jahan hasin nazar aaya koi pise wahin hum

    hamare sath phirega kahan kahan naseh

    zaif ho ke samajhta nahin tajjub hai

    karun shabab mein tark ulfat-e-butan naseh

    karam kiya hai gham-e-ishq ne mere dil mein

    main kis tarah na karun pas-e-mehman naseh

    hum aap band kiya karte hain hazaron ko

    hamare samne kholega kya zaban naseh

    buton ka kalima paDhe tu abhi hamari tarah

    kamal-e-ishq agar puKHta ho ayan naseh

    main wo hun aashiq-e-diwana gar mujhe ki pand

    ba-rang-e-jaib uDa dunga dhajjiyan naseh

    kahin hamari tarah ye bhi phans gaya shayad

    kuchh aaj-kal hai bahut hum pe mehrban naseh

    'qalaq' na harf-e-nasihat zaban pe lae wo phir

    jo sun le meri mohabbat ki dastan naseh

    Source:

    Mazhar-e-Ishq (Pg. e-65 p-63)

    • Author: Asad Ali Khan Qalaq
      • Edition: 1911
      • Publisher: Munshi Naval Kishor, Kanpur
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now