ye jo dhuan dhuan sa hai dasht-e-guman ke aas-pas

Ahmad Mahfuz

ye jo dhuan dhuan sa hai dasht-e-guman ke aas-pas

Ahmad Mahfuz

MORE BYAhmad Mahfuz

    ye jo dhuāñ dhuāñ hai dasht-e-gumāñ ke ās-pās

    kyā koī aag bujh ga.ī sarhad-e-jāñ ke ās-pās

    shor-e-havā-e-shām-e-ġham yuuñ to kahāñ kahāñ nahīñ

    suniye to bas sunā.ī de dard-e-nihāñ ke ās-pās

    bujh ga.e kyā charāġh sab ai dil-e-āfiyat-talab

    kab se bhaTak rahe haiñ ham kū-e-ziyāñ ke ās-pās

    un ko talāsh kījiye ham to mileñge aap

    apnī bhī jā-e-bāsh hai gum-shudagāñ ke ās-pās

    sīna-e-shab ko chiir kar dekho to kyā samāñ hai ab

    manzil-e-dil ke sāmne kūcha-e-jāñ ke ās-pās

    vo bhī ajab savār thā aayā idhar udhar gayā

    pahuñchī na merī ḳhaak bhī us inaañ ke ās-pās

    ālam-e-sard-o-garm kyā ho bhalā unheñ ḳhabar

    vo jo rahe haiñ umr bhar shola-ruḳhāñ ke ās-pās

    ye jo dhuan dhuan sa hai dasht-e-guman ke aas-pas

    kya koi aag bujh gai sarhad-e-jaan ke aas-pas

    shor-e-hawa-e-sham-e-gham yun to kahan kahan nahin

    suniye to bas sunai de dard-e-nihan ke aas-pas

    bujh gae kya charagh sab ai dil-e-afiyat-talab

    kab se bhaTak rahe hain hum ku-e-ziyan ke aas-pas

    un ko talash kijiye hum to milenge aap hi

    apni bhi ja-e-bash hai gum-shudagan ke aas-pas

    sina-e-shab ko chir kar dekho to kya saman hai ab

    manzil-e-dil ke samne kucha-e-jaan ke aas-pas

    wo bhi ajab sawar tha aaya idhar udhar gaya

    pahunchi na meri KHak bhi us ki inan ke aas-pas

    aalam-e-sard-o-garm ki kya ho bhala unhen KHabar

    wo jo rahe hain umr bhar shola-ruKHan ke aas-pas

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY