ye jo hum kabhi kabhi sochte hain raat ko

ye jo ham kabhī kabhī sochte haiñ raat ko

raat kyā samajh sake in muāmlāt ko

husn aur najāt meñ fasl-e-mashriqain hai

kaun chāhtā nahīñ husn ko najāt ko

ye sukūn-e-be-jihat ye kashish ajiib hai

tujh meñ band kar diyā kis ne shash-jahāt ko

sāhil-e-ḳhayāl par kahkashāñ kī chhūT thī

ek mauj le ga.ī in tajalliyāt ko

aañkh jab uThe bhar aa.e sher ab kahā na jaa.e

kaise bhuul jaa.e vo bhūlne kī baat ko

dekh ai mirī nigāh tū bhī hai jahāñ bhī hai

kis ne bā-ḳhabar kiyā dūsre kī zaat ko

kyā ai mirī nigāh tū bhī hai jahāñ bhī hai

kis ne bā-ḳhabar kahā dūsre kī zaat ko

kyā huiiñ rivāyateñ ab haiñ kyuuñ shikāyateñ

ishq-e-nā-murād se husn-e-be-sabāt ko

ai bahār-e-sar-girāñ tū ḳhizāñ-nasīb hai

aur ham taras ga.e tere iltifāt ko

ye jo hum kabhi kabhi sochte hain raat ko

raat kya samajh sake in muamlat ko

husn aur najat mein fasl-e-mashriqain hai

kaun chahta nahin husn ko najat ko

ye sukun-e-be-jihat ye kashish ajib hai

tujh mein band kar diya kis ne shash-jahat ko

sahil-e-KHayal par kahkashan ki chhuT thi

ek mauj le gai in tajalliyat ko

aankh jab uThe bhar aae sher ab kaha na jae

kaise bhul jae wo bhulne ki baat ko

dekh ai meri nigah tu bhi hai jahan bhi hai

kis ne ba-KHabar kiya dusre ki zat ko

kya ai meri nigah tu bhi hai jahan bhi hai

kis ne ba-KHabar kaha dusre ki zat ko

kya huin riwayaten ab hain kyun shikayaten

ishq-e-na-murad se husn-e-be-sabaat ko

ai bahaar-e-sar-giran tu KHizan-nasib hai

aur hum taras gae tere iltifat ko