ye jo har lamha na rahat na sakun hai yun hai
ye jo har lamha na rāhat na sakūñ hai yuuñ hai
us ko paane kā ajab dil meñ junūñ hai yuuñ hai
ādatan kartā hai vo va.ada-ḳhilāfī pahle
phir banātā hai bahāne bhī ki yuuñ hai yuuñ hai
mujh ko ma.alūm hai lauT aa.egā merī jānib
us ke jaane pe bhī is dil meñ sukūñ hai yuuñ hai
dil kā khiñchnā jo ye jaarī hai faqat us kī taraf
us kī āñkhoñ meñ alag sā hī fusūñ hai yuuñ hai
pūchhte ho ki bhalā kyuuñ nahīñ māyūsī hai
us ke hoñToñ pe jo āhista sī huuñ hai yuuñ hai
be-sabab hai ye kahāñ dasht-navardī bhī 'ziyā'
apne zimme bhī koī kār-e-junūñ hai yuuñ hai
ye jo har lamha na rahat na sakun hai yun hai
us ko pane ka ajab dil mein junun hai yun hai
aadatan karta hai wo wada-KHilafi pahle
phir banata hai bahane bhi ki yun hai yun hai
mujh ko malum hai lauT aaega meri jaanib
us ke jaane pe bhi is dil mein sukun hai yun hai
dil ka khinchna jo ye jari hai faqat us ki taraf
us ki aankhon mein alag sa hi fusun hai yun hai
puchhte ho ki bhala kyun nahin mayusi hai
us ke honTon pe jo aahista si hun hai yun hai
be-sabab hai ye kahan dasht-nawardi bhi 'ziya'
apne zimme bhi koi kar-e-junun hai yun hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
