ye jo sar hum teri chaukhaT se lagae hue hain

Abrar Ahmad

ye jo sar hum teri chaukhaT se lagae hue hain

Abrar Ahmad

MORE BYAbrar Ahmad

    ye jo sar ham tirī chaukhaT se lagā.e hue haiñ

    ye samajh le ki zamāne ke satā.e hue haiñ

    ham ne is dil ko kahīñ aur lagāyā huā hai

    aur ye haath kahīñ aur uThā.e hue haiñ

    tujhe dekhūñ to mujhe yaad ye kaun aatā hai

    ne ye rañg bhalā kis ke churā.e hue haiñ

    kār-e-duniyā ne hameñ mohlat-e-yak-ḳhvāb na

    so kahīñ kho.e hue haiñ na paa.e hue haiñ

    ham kuchh gosh-bar-āvāz nahīñ the varna

    tum ne pahle bhī yahī bol sunā.e hue haiñ

    kis liye yaad dilāte ho abhī rahne do

    kyā huā ham jo koī baat bhulā.e hue haiñ

    kaam jo ham se nahīñ hogā kiye jaate haiñ

    ham se uThtā jo nahīñ bojh uThā.e hue haiñ

    dekhne tujhe kuchh dil meñ hai hasrat bhī abhī

    aur ye bhī ki tire shahr meñ aa.e hue haiñ

    ye jo sar hum teri chaukhaT se lagae hue hain

    ye samajh le ki zamane ke satae hue hain

    hum ne is dil ko kahin aur lagaya hua hai

    aur ye hath kahin aur uThae hue hain

    tujhe dekhun to mujhe yaad ye kaun aata hai

    tu ne ye rang bhala kis ke churae hue hain

    kar-e-duniya ne hamein mohlat-e-yak-KHwab na di

    so kahin khoe hue hain na hi pae hue hain

    hum hi kuchh gosh-bar-awaz nahin the warna

    tum ne pahle bhi yahi bol sunae hue hain

    kis liye yaad dilate ho abhi rahne do

    kya hua hum jo koi baat bhulae hue hain

    kaam jo hum se nahin hoga kiye jate hain

    hum se uThta jo nahin bojh uThae hue hain

    dekhne ki tujhe kuchh dil mein hai hasrat bhi abhi

    aur ye bhi ki tere shahr mein aae hue hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now