ye kar-e-be-samar hai agar kar liya to kya
ye kār-e-be-samar hai agar kar liyā to kyā
ik dā.ere meñ ham ne safar kar liyā to kyā
duniyā se maiñ ne bhī koī raġhbat nahīñ rakhī
us ne bhī mujh se sarf-e-nazar kar liyā to kyā
ḳhushbū kabhī giraft meñ aa.ī na aa.egī
phūloñ ko tū ne zer-e-asar kar liyā to kyā
Dheroñ sitāre ab bhī tire ās-pās haiñ
maiñ ne pasand ek sharar kar liyā to kyā
dil se ga.ī na masnad o asnād kī havas
paiham tavāf-e-shahr-e-hunar kar liyā to kyā
'tālib' nasheb-e-shab se guzar kar dikhā mujhe
tai haft-ḳhvān-e-bām-e-sahar kar liyā to kyā
ye kar-e-be-samar hai agar kar liya to kya
ek daere mein hum ne safar kar liya to kya
duniya se main ne bhi koi raghbat nahin rakhi
us ne bhi mujh se sarf-e-nazar kar liya to kya
KHushbu kabhi giraft mein aai na aaegi
phulon ko tu ne zer-e-asar kar liya to kya
Dheron sitare ab bhi tere aas-pas hain
main ne pasand ek sharar kar liya to kya
dil se gai na masnad o asnad ki hawas
paiham tawaf-e-shahr-e-hunar kar liya to kya
'talib' nasheb-e-shab se guzar kar dikha mujhe
tai haft-KHwan-e-baam-e-sahar kar liya to kya
Source:
Monthly Adab-e-Latif (Pg. 117)
- Author: Siddiqah Begum
-
- Edition: 2012
- Publisher: Aaftab Ahmed Chaudhry
- Year of Publication: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
