ye karobar-e-faraghat tamam karne ko

ye kārobār-e-farāġhat tamām karne ko

maiñ sub.h ghar se nikaltā huuñ shaam karne ko

maiñ us kī aañkh meñ vāpas vo ḳhvāb chhoḌ aaya

jo us ne bhejā thā nīñdeñ harām karne ko

ye aur baat ki mujh ko na tū samajh paayā

taḌap rahā hai zamāna imaam karne ko

jahāñ meñ koī mayassar nahīñ to kyā ġham hai

sukūt-e-lāla-o-gul hai kalām karne ko

kalī ko phuul banā kar guzar ga.ī hai bahār

Thahar gayā hai ye nam ehtirām karne ko

abhī to shāḳh ke andar nihāñ hai añgḌā.ī

machal uThā hai ye gulshan salām karne ko

ġhazāl bhuul ga.e apnī chaukḌī 'tāhir'

ye kaun dasht meñ utrā ḳhirām karne ko

ye karobar-e-faraghat tamam karne ko

main subh ghar se nikalta hun sham karne ko

main us ki aankh mein wapas wo KHwab chhoD aaya

jo us ne bheja tha ninden haram karne ko

ye aur baat ki mujh ko na tu samajh paya

taDap raha hai zamana imam karne ko

jahan mein koi mayassar nahin to kya gham hai

sukut-e-lala-o-gul hai kalam karne ko

kali ko phul bana kar guzar gai hai bahaar

Thahar gaya hai ye nam ehtiram karne ko

abhi to shaKH ke andar nihan hai angDai

machal uTha hai ye gulshan salam karne ko

ghazal bhul gae apni chaukDi 'tahir'

ye kaun dasht mein utra KHiram karne ko