ye kab kahā thā mujhe ham-navā nahīñ denā
magar haañ phir se vahī bevafā nahīñ denā
maiñ TuuT jā.ūñ to aa kar gale lagā lenā
koī dalīl koī mashvara nahīñ denā
ḳhudā ke naam pe aapas meñ bāñTne vaalo
ḳhudā ke vāste ye vāsta nahīñ denā
banāne vaale se itnī murād jaa.ez hai
bas ab ke aur koī hādisa nahīñ denā
ye ḳhat nahīñ ye mire pyaar kī alāmat hai
so is ko taish meñ aa kar jalā nahīñ denā
ye kab kaha tha mujhe ham-nawa nahin dena
magar han phir se wahi bewafa nahin dena
main TuT jaun to aa kar gale laga lena
koi dalil koi mashwara nahin dena
KHuda ke nam pe aapas mein banTne walo
KHuda ke waste ye wasta nahin dena
banane wale se itni murad jaez hai
bas ab ke aur koi hadisa nahin dena
ye KHat nahin ye mere pyar ki alamat hai
so is ko taish mein aa kar jala nahin dena
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.