ye kabhi socha nahin tha aap bhi aisa karenge

ye kabhī sochā nahīñ thā aap bhī aisā kareñge

jab bichhaḌ jā.eñge ham se to hameñ rusvā kareñge

bol to dete haiñ ġhusse meñ ki tum jaao yahāñ se

baad meñ phir sochte haiñ ye huā to kyā kareñge

us ke jhagḌe par kabhī gar DaañT duuñ to boltā hai

aap se hai pyaar to phir kis se ham jhagḌā kareñge

ek chehra jo ki ham se nā kabhī bhī ban sakā hai

ek chehra vo ki jis ko umr bhar sochā kareñge

terī jānib jab raheñgī mahfiloñ kī sab nigāheñ

apnī āñkhoñ se tire chehre pe ham pardā kareñge

hai samajhnā aap ko to sher se iz.hār samjheñ

baat kahne ko bhalā ham phuul kyoñ toḌā kareñge

ye kabhi socha nahin tha aap bhi aisa karenge

jab bichhaD jaenge hum se to hamein ruswa karenge

bol to dete hain ghusse mein ki tum jao yahan se

baad mein phir sochte hain ye hua to kya karenge

us ke jhagDe par kabhi gar DanT dun to bolta hai

aap se hai pyar to phir kis se hum jhagDa karenge

ek chehra jo ki hum se na kabhi bhi ban saka hai

ek chehra wo ki jis ko umr bhar socha karenge

teri jaanib jab rahengi mahfilon ki sab nigahen

apni aankhon se tere chehre pe hum parda karenge

hai samajhna aap ko to sher se izhaar samjhen

baat kahne ko bhala hum phul kyon toDa karenge