ye kah kah ke hum dil ko bahla rahe hain

ye kah kah ke ham dil ko bahlā rahe haiñ

mulāqāt ke din qarīb aa rahe haiñ

vo gulshan meñ yuuñ sair farmā rahe haiñ

idhar aa rahe haiñ udhar jā rahe haiñ

saroñ par masā.ib bhī mañDlā raheñ haiñ

magar giit ḳhushiyoñ ke ham gā rahe haiñ

samajhne ko koī bhī raazī nahīñ hai

hamīñ dil to ham dil ko samjhā rahe haiñ

sulajhtī nahīñ zulf bhī jin se apnī

masā.il zamāne ke suljhā rahe haiñ

na ahl-e-siyāsat kī chāloñ meñ aanā

vo jaal apnā har or phailā rahe haiñ

jinheñ tum ne Thukrā diyā thā kisī din

abhī tak vo zaḳhmoñ ko sahlā rahe haiñ

ye kah kah ke hum dil ko bahla rahe hain

mulaqat ke din qarib aa rahe hain

wo gulshan mein yun sair farma rahe hain

idhar aa rahe hain udhar ja rahe hain

saron par masaib bhi manDla rahen hain

magar git KHushiyon ke hum ga rahe hain

samajhne ko koi bhi raazi nahin hai

hamin dil to hum dil ko samjha rahe hain

sulajhti nahin zulf bhi jin se apni

masail zamane ke suljha rahe hain

na ahl-e-siyasat ki chaalon mein aana

wo jal apna har or phaila rahe hain

jinhen tum ne Thukra diya tha kisi din

abhi tak wo zaKHmon ko sahla rahe hain