ye kaisa shahr hai main kis ajaib-ghar mein rahta hun

Khursheed Akbar

ye kaisa shahr hai main kis ajaib-ghar mein rahta hun

Khursheed Akbar

MORE BY Khursheed Akbar

    ye kaisā shahr hai maiñ kis ajā.ib-ghar meñ rahtā huuñ

    maiñ kis aañkh paanī huuñ kis patthar meñ rahtā huuñ

    vo ḳhushbū is ta.alluq se bahut bechain hogī

    maiñ kāñTā thā magar ik phuul ke bistar meñ rahtā huuñ

    use ik din yahī ḳhāna-badoshī ḳhud batā.egī

    maiñ apne ghar meñ rahtā huuñ ki us ke ghar meñ rahtā huuñ

    agar mohlat mile to qātilān-e-shahr se pūchhūñ

    maiñ kis jaan huuñ kyuuñ sīna-e-ḳhanjar meñ rahtā huuñ

    mujhe ye be-panāhī kab tirā rasta dikhā.egī

    tirī āvāz huuñ aur gumbad-e-be-dar meñ rahtā huuñ

    ye sab ḳhush-posh chehre ho chuke haiñ munkashif mujh par

    maiñ un ke darmiyāñ kyuuñ jāma-e-mahshar meñ rahtā huuñ

    ḳhudī kyā chiiz hai 'ḳhurshīd-akbar' aur ḳhudā kyā hai

    kahūñ maiñ kis zabāñ se dast-e-āhan-gar meñ rahtā huuñ

    ye kaisa shahr hai main kis ajaib-ghar mein rahta hun

    main kis ki aankh ka pani hun kis patthar mein rahta hun

    wo KHushbu is talluq se bahut bechain si hogi

    main kanTa tha magar ek phul ke bistar mein rahta hun

    use ek din yahi KHana-badoshi KHud bataegi

    main apne ghar mein rahta hun ki us ke ghar mein rahta hun

    agar mohlat mile to qatilan-e-shahr se puchhun

    main kis ki jaan hun kyun sina-e-KHanjar mein rahta hun

    mujhe ye be-panahi kab tera rasta dikhaegi

    teri aawaz hun aur gumbad-e-be-dar mein rahta hun

    ye sab KHush-posh chehre ho chuke hain munkashif mujh par

    main un ke darmiyan kyun jama-e-mahshar mein rahta hun

    KHudi kya chiz hai 'KHurshid-akbar' aur KHuda kya hai

    kahun main kis zaban se dast-e-ahan-gar mein rahta hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY