ye kaisa zulm main ‘umr-e-jawan pe kar aaya

ye kaisā zulm maiñ ‘umr-e-javāñ pe kar aayā

dil aayā bhī to ye kis nā-murād par aayā

vo kyā nigāh thī mujh ko jo kar ga.ī tanhā

vo kaisā dasht thā jis se ki maiñ guzar aayā

dinoñ ke baa'd use dekhā aur lagā jaise

dinoñ ke baa'd koī lauT kar ke ghar aayā

kisī ne haath baḌhāyā na mere girne par

bas ik parinda magar shāḳh se utar aayā

mujhe hī apnī vazāhat kī itnī jaldī thī

zarā sā rang chhiḌakte hī maiñ ubhar aayā

ye kaisa zulm main ‘umr-e-jawan pe kar aaya

dil aaya bhi to ye kis na-murad par aaya

wo kya nigah thi mujh ko jo kar gai tanha

wo kaisa dasht tha jis se ki main guzar aaya

dinon ke ba'd use dekha aur laga jaise

dinon ke ba'd koi lauT kar ke ghar aaya

kisi ne hath baDhaya na mere girne par

bas ek parinda magar shaKH se utar aaya

mujhe hi apni wazahat ki itni jaldi thi

zara sa rang chhiDakte hi main ubhar aaya