ye kaisi hawa-e-gham-o-azar chali hai

Hafeez Banarasi

ye kaisi hawa-e-gham-o-azar chali hai

Hafeez Banarasi

MORE BYHafeez Banarasi

    ye kaisī havā-e-ġham-o-āzār chalī hai

    ḳhud bād-e-bahārī bhī sharar-bār chalī hai

    dekhī na thī jis ne shikast aaj tak apnī

    vo chashm-e-fusūñ-ḳhez bhī dil haar chalī hai

    ab koī hadīs-e-qad-o-gesū nahīñ suntā

    duniyā meñ vo rasm-e-rasan-o-dār chalī hai

    taktā nahīñ koī mai o jaam jānib

    kyā chaal ye ne nigah-e-yār chalī hai

    vo log kahāñ jaa.eñ jo kāfir haiñ na dīñ-dār

    phir kashmakash-e-kāfir-o-dīn-dār chalī hai

    baat aur bhī kuchh mai mazammat ke alāva

    ye baat to ai shaiḳh ka.ī baar chalī hai

    dīvāngi-e-shauq meñ jo kar ga.e ham log

    meyār-e-ḳhirad ban ke vo guftār chalī hai

    sāzish na ho kuchh dair o haram vāloñ is meñ

    suntā huuñ ki mai-ḳhāne meñ talvār chalī hai

    kab yaad kiyā ham ko 'hafīz' ahl-e-chaman ne

    jab ziist sū-e-vādi-e-pur-ḳhār chalī hai

    ye kaisi hawa-e-gham-o-azar chali hai

    KHud baad-e-bahaari bhi sharar-bar chali hai

    dekhi hi na thi jis ne shikast aaj tak apni

    wo chashm-e-fusun-KHez bhi dil haar chali hai

    ab koi hadis-e-qad-o-gesu nahin sunta

    duniya mein wo rasm-e-rasan-o-dar chali hai

    takta hi nahin koi mai o jam ki jaanib

    kya chaal ye tu ne nigah-e-yar chali hai

    wo log kahan jaen jo kafir hain na din-dar

    phir kashmakash-e-kafir-o-din-dar chali hai

    baat aur bhi kuchh mai ki mazammat ke alawa

    ye baat to ai shaiKH kai bar chali hai

    diwangi-e-shauq mein jo kar gae hum log

    meyar-e-KHirad ban ke wo guftar chali hai

    sazish na ho kuchh dair o haram walon ki is mein

    sunta hun ki mai-KHane mein talwar chali hai

    kab yaad kiya hum ko 'hafiz' ahl-e-chaman ne

    jab zist su-e-wadi-e-pur-KHar chali hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY