ye kaun mane ki na-ashna-e-raaz hai tu

ye kaun maane ki nā-āshnā-e-rāz hai tū

magar yahī ki ḳhudāvand-e-be-niyāz hai to

us āstāñ pe jo sar hai to sarfarāz hai tū

niyāz-mandī-e-ālam se be-niyāz hai tū

samajh meñ aa.e na aa.e adā-e-chāragarī

mujhe to hai ye bharosā ki chārasāz hai tū

fanā nahīñ hai ajal umr-e-jāvedānī hai

vajūd hai vo haqīqat ki jis kā raaz hai tū

qubūl kar mirī daad ai mirī siyah-baḳhtī

harīf-e-zulmat-e-tanhā.ī-e-darāz hai to

navāzisheñ tirī mub.ham sahī magar ai dost

ye e'tibār hai kyā kam ki dil-navāz hai tū

baḌe marāhil-e-dushvār se guzarnā hai

niyāz jaada hai aur manzil-e-niyāz hai tū

ye māntā hai zamāna ki maiñ huuñ nāzish-e-sabr

ye raaz koī na samjhā ki merā naaz hai tū

hai sar ḳhushī meñ tujhe pās-e-ġham-kashāñ 'mānī'

ajiib riñd-e-ḳhudā-tars-o-pāk-bāz hai tū

ye kaun mane ki na-ashna-e-raaz hai tu

magar yahi ki KHudawand-e-be-niyaz hai to

us aastan pe jo sar hai to sarfaraaz hai tu

niyaz-mandi-e-alam se be-niyaz hai tu

samajh mein aae na aae ada-e-chaaragari

mujhe to hai ye bharosa ki chaarasaz hai tu

fana nahin hai ajal umr-e-jawedani hai

wajud hai wo haqiqat ki jis ka raaz hai tu

qubul kar meri dad ai meri siyah-baKHti

harif-e-zulmat-e-tanhai-e-daraaz hai to

nawazishen teri mubham sahi magar ai dost

ye e'tibar hai kya kam ki dil-nawaz hai tu

baDe marahil-e-dushwar se guzarna hai

niyaz jada hai aur manzil-e-niyaz hai tu

ye manta hai zamana ki main hun nazish-e-sabr

ye raaz koi na samjha ki mera naz hai tu

hai sar KHushi mein tujhe pas-e-gham-kashan 'mani'

ajib rind-e-KHuda-tars-o-pak-baz hai tu