ye kaun mere KHayalon mein chhae jata hai
ye kaun mere ḳhayāloñ meñ chhā.e jaatā hai
bhulā rahā huuñ magar yaad aa.e jaatā hai
ġhamoñ kī aag lagātā hai pahle ḳhush ho kar
phir āñsuoñ se usī ko bujhā.e jaatā hai
ye kis ḳhayāl kī duniyā meñ kho gayā hai vo
kabhī to ro.e kabhī muskurā.e jaatā hai
yahāñ pe kaun hai dushman hai kaun dost tirā
ye tere sāmne kuchh pal meñ aa.e jaatā hai
vo mere sāmne aa kar to boltā bhī nahīñ
tasavvurāt meñ aa kar satā.e jaatā hai
ab us ko bhuul hī jā.ūñ maiñ sochtā huuñ ye
'ziyā' vo phir bhī ḳhayāloñ meñ aa.e jaatā hai
ye kaun mere KHayalon mein chhae jata hai
bhula raha hun magar yaad aae jata hai
ghamon ki aag lagata hai pahle KHush ho kar
phir aansuon se usi ko bujhae jata hai
ye kis KHayal ki duniya mein kho gaya hai wo
kabhi to roe kabhi muskurae jata hai
yahan pe kaun hai dushman hai kaun dost tera
ye tere samne kuchh pal mein aae jata hai
wo mere samne aa kar to bolta bhi nahin
tasawwuraat mein aa kar satae jata hai
ab us ko bhul hi jaun main sochta hun ye
'ziya' wo phir bhi KHayalon mein aae jata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
