aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye KHwab aur bhi dekhenge raat baqi hai

Saleem Ahmed

ye KHwab aur bhi dekhenge raat baqi hai

Saleem Ahmed

MORE BYSaleem Ahmed

    ye ḳhvāb aur bhī dekheñge raat baaqī hai

    abhī to ai dil-e-zinda hayāt baaqī hai

    mire lahū meñ abhī tark-e-ishq ke bā-vasf

    vo garmī-e-nigah-e-iltifāt baaqī hai

    abhī to zauq-e-talab meñ kamī nahīñ aa.ī

    abhī mirā safar-e-be-jihāt baaqī hai

    jo ho sake to shahādat-gah-e-nazar meñ aa

    ye dekh ishq meñ kitnā sabāt baaqī hai

    ye kā.enāt abhī ek intizār meñ hai

    ki hone vaalī koī vārdāt baaqī hai

    ḳhud apnī raakh se uThe sharar tarah

    ye mo.ajiza abhī ai kā.enāt baaqī hai

    shab-e-visāl meñ din bhī milā na leñ ai dost

    ki raat ḳhatm huī aur baat baaqī hai

    huī hai shāḳh-e-hunar meñ na.ī numū ab ke

    'salīm' barg-e-ḳhizāñ se najāt baaqī hai

    ye KHwab aur bhi dekhenge raat baqi hai

    abhi to ai dil-e-zinda hayat baqi hai

    mere lahu mein abhi tark-e-ishq ke ba-wasf

    wo garmi-e-nigah-e-iltifat baqi hai

    abhi to zauq-e-talab mein kami nahin aai

    abhi mera safar-e-be-jihat baqi hai

    jo ho sake to shahadat-gah-e-nazar mein aa

    ye dekh ishq mein kitna sabaat baqi hai

    ye kaenat abhi ek intizar mein hai

    ki hone wali koi wardat baqi hai

    KHud apni rakh se tu ji uThe sharar ki tarah

    ye moajiza abhi ai kaenat baqi hai

    shab-e-visal mein din bhi mila na len ai dost

    ki raat KHatm hui aur baat baqi hai

    hui hai shaKH-e-hunar mein nai numu ab ke

    'salim' barg-e-KHizan se najat baqi hai

    Source:

    Mehraab (Pg. 125)

    • Author: Ahmed Mushtaq
      • Edition: 1977
      • Publisher: Maktaba Mehrab Pak Tea House Share Qaid-e-azam
      • Year of Publication: 1977
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now