ye kis gumāñ pe tavaqqo hai ai bhale sāhab
duā.eñ de bhī vahī jis kā ghar jale sāhab
bas is liye ki havāoñ se khelnā sīkhe
ham āñdhiyoñ meñ jalā kar diyā chale sāhab
hamārā qatl kisī shab kī dāstāñ to nahīñ
ye sāneha bhī huā aur din Dhale sāhab
kabūtaroñ pe jhapaTne kī ḳhū kahāñ un meñ
ki ye uqaab to zāġhoñ meñ haiñ pale sāhab
badaltī rahtī hai qasr-o-lahad meñ ghar apne
hayāt hai kabhī uupar kabhī tale sāhab
hamāre mo.ajiza-e-fan se log hairāñ hoñ
hameñ 'sharīf' ye ḳhvāhish na thī vale sāhab
ye kis guman pe tawaqqo hai ai bhale sahab
duaen de bhi wahi jis ka ghar jale sahab
bas is liye ki hawaon se khelna sikhe
hum aandhiyon mein jala kar diya chale sahab
hamara qatl kisi shab ki dastan to nahin
ye saneha bhi hua aur din Dhale sahab
kabutaron pe jhapaTne ki KHu kahan un mein
ki ye uqab to zaghon mein hain pale sahab
badalti rahti hai qasr-o-lahad mein ghar apne
hayat hai kabhi upar kabhi tale sahab
hamare moajiza-e-fan se log hairan hon
hamein 'sharif' ye KHwahish na thi wale sahab
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.